ဇူလိုင် ၁ ရက် — ဒီတစ်ပတ်အတွင်းမှာ Facebook Ads တချို့ ဈေး 2% ကနေ 5% အထိ တက်တော့မယ်။ Meta က “Location Fee” (ကြော်ငြာ ရောက်တဲ့ နိုင်ငံပေါ်မူတည်ပြီး ကောက်တဲ့ အပိုကြေး) အသစ်တစ်ခု စကောက်တော့မှာပါ။

ဒါပေမဲ့ စိတ်မပူပါနဲ့ — Myanmar ကို target လုပ်နေသူ အများစုအတွက် တိုက်ရိုက် မသက်ရောက်ပါဘူး။ ဘာကြောင့်လဲ ရှင်းပြပါမယ်။

“Location Fee” ဆိုတာက

အဲဒီနိုင်ငံတွေရဲ့ အစိုးရက Tech company တွေဆီ ကောက်တဲ့ Digital Services Tax (DST — digital ဝန်ဆောင်မှုတွေအပေါ် အခွန်) ကို Meta က advertiser ဆီ ပြန်လွှဲလိုက်တာပါ။

အခုထိကတော့ နိုင်ငံ ၆ ခုပဲ —

  • Austria (5%) နဲ့ Türkiye (5%)
  • France, Italy, Spain (3% စီ)
  • UK (2%)

အရေးအကြီးဆုံးအချက်က — ဒီ fee က ကိုယ့်စီးပွားရေး ဘယ်နိုင်ငံမှာ ရှိလဲဆိုတာ မဟုတ်ဘဲ၊ ကြော်ငြာက ဘယ်နိုင်ငံက လူတွေဆီ ရောက်လဲဆိုတာပေါ် မူတည်တာ။ ဆိုလိုတာက — Myanmar က business ဖြစ်ပေမဲ့ UK က customer (ဥပမာ — အဲဒီက Myanmar diaspora) တွေကို ပစ်မှတ်ထားရင် UK ရဲ့ 2% fee ကျပါမယ်။

သတိထားစရာ နောက်တစ်ခု — ဒီ fee က ကိုယ်သတ်မှတ်ထားတဲ့ ad budget ထဲကနေ ဖြတ်ယူတာ မဟုတ်ဘူး။ Invoice အပေါ်မှာ သီးခြား ထပ်တိုးတာ။ ဒါကြောင့် တကယ်ကုန်ကျတဲ့ ပမာဏက ကိုယ်ထည့်လိုက်တဲ့ budget ထက် နည်းနည်း ပိုသွားနိုင်တယ်။

ကျနော် ပြောချင်တာက — Myanmar မပါသေးပေမဲ့ Google, Amazon တို့က ၂၀၂၀ ကတည်းက ဒီလိုလုပ်ပြီးသား။ Meta က နောက်ဆုံးမှ လိုက်တာ။ ဒီ list က နောင်မှာ တိုးလာနိုင်တယ်လို့ Meta ကိုယ်တိုင် ပြောထားတယ်။ ဒါကြောင့် နိုင်ငံခြား customer target လုပ်တဲ့သူတွေ ROI တွက်တဲ့အခါ ဒီ fee ကို စတင် ထည့်တွက်ဖို့ သတိထားသင့်ပါတယ်။

Categorized in:

Digital Marketing, Marketing,

Tagged in:

, , , , , ,